Вашата доенечка приказна трае уште, а вие дознавате дека чекате ново бебенце. Дали треба да се престане со доење заради нова бременост? Дали доењето му штети на нероденото бебенце? Дали доењето и хормоните од бременоста му штетат на бебенцето/детенцето кое што цица? Дали е можно доење за време на цела бременост, а и потоа? Како тоа би изгледало?

Овој модул ја обработува темата „тандем доење“, разјаснувајќи ги сите дилеми: почнувајќи од првиот момент, кога семејството дознава за новата бременост, каде што се поставува прашањето дали и кога е дозволено да се дои за време на бременост; на што да се внимава ако се дои за време на бременост.

Исто така, обработува насоки кои се многу важни за тоа како да се направи план за управување со доењето откако ќе се роди новиот член на семејството: кој има предност во доењето, како треба да изгледа доењето, дали да се дои истовремено или пак посебно, како да се комуницира со постарото детенце кое цица, земајќи во предвид дека транзицијата во животот со новороденче може да е навистина стресна кога имаме и постаро детенце кое уште цица.