Курс за доење

Темелна едукација:

Советување

Поддршка при проблеми:

Модулни работилници

Конкретна тема:

Доење со љубов

Сеопфатна поддршка за доење и лактација

Курс за доење

Овој курс е наменет за сите оние кои се интересираат да се стекнат со познавања од областа на лактација и доење. Составен од три концептуални модули и четврт модул во облик на завршна интерактивна работилница, курсот нуди поддршка и детална едукација за сите семејства - од првиот момент кога започнува доењето – пред и веднаш по породувањето, па сѐ до самиот момент на престанок.

Советувaње

Доколку имате некаков предизвик со кој се соочувате, или имате одредена недоумица во поглед на Вашите познавања од областа доење и лактација и Ви треба поддршка од стручно лице - со задоволство стојам на располагање индивидуално 1:1 да ја прегледаме Вашата ситуација, заедно да ги согледаме сите можности, со цел да го пронајдеме решението кое најмногу одговара за Вашето семејство.

Модулни работилници

Доколку сакате да го продлабочите вашето познавање во конкретна тема од областа на доењето и лактацијата, модулните работилници се вистинскиот избор за вас: преку практичните примери, објаснувања, фотографии и видеа, истите ви нудат повеќе решенија, како и можност самите да препознаете кое решение би било за вас апликативно и функционално.

Кое е вашето познавање на тема ДОЕЊЕ и ЛАКТАЦИЈА...?

НАПРАВЕТЕ ГО ОВОЈ ЗАБАВЕН КВИЗ

Новости

Decoration Image

Популарни курсеви / работилници

СИТЕ КУРСЕВИ И РАБОТИЛНИЦИ
Decoration Image

Референци

Затоа што Наташа си ја работи работата со љубов, нашето доење го надмина стресот и стравот и се исполни со љубов! Бев восхитена од топлината, поддршката и охрабрувањето веднаш после првиот контакт и тоа во писмена комуникација. Ти благодарам што се посветуваш целосно и во согласност со потребите на секое семејство, што секогаш даваш исцрпни и проверени одговори и што си секогаш тука без разлика колку и да си физички далеку. Твоето постоењe на интернет е богатство за сите сегашни и идни родители. Ти благодарам од срце што ни овозможи здравје и радост на мене и моето бебе и уштe поважно, што ми помогна да станам самоуверена мајка!
Нина
Да не беше помошта на Наташа сигурна сум дека немаше да биде на ексклузивно доење мојата четиримесечна ќерка. Многу трпеливо и стручно ми даде насоки како да воспоставам успешна лактација и сеуште кога и да имам некое двоумење тука е да објасни детално и да помогне. Како што ми рече кога се запознавме, приоритет е доењето да ни стане ексклузивно. Морам да напоменам дека во три ситуации до сега со затнати канали таа беше тука да ме охрабри и да ми помогне. Многу сум ти благодарна Наташа, бидејќи лично мене многу ми беше битно да можам да ја дојам ќерка ми.
Бојана
Фала ти најмногу за поддршката! Не само што ми помогна на самата сесија, туку и во еден исклучително критичен момент за мене и моето бебче ми одговори и дополнително кога те контактирав. На целиот стрес и сомнеж што си ги создадов сама, ми дојде супер со твојата позитивна енергија!
Катерина
Бескрајно ќе сум благодарна на Наташа што ми се најде во најтешките мигови од моето доенечко искуство. Со нејзина помош и разбирање успеав да продолжам, иако мислев дека не можам да издржам ниту еден ден повеќе. Секогаш ќе сум благодарна што одлучив да стапам во контакт со нејзе, бидејќи комплетно го промени нашето секојдневие. Топла препорака за сите кои се соочуваат со некој проблем! Не се откажувајте - побарајте помош од професионалец - а тоа е Наташа!
Кристина
Наташа ни помогна со советување со неколку предизвици во доењето, меѓу другото лош фат на града и постојано губење вакум при цицањето, подврзување на јазиче, менаџирање на силен рефлекс на испуштање млеко и методи на хранење при разделеност меѓу бебе и мама. Мислам дека она што најмногу го ценам и (сеуште) ни помага е постојаната несебична поддршка и мотивација да бидеме упорни и истрајни во се што правиме, да не се плашиме и откажуваме пред предизвиците, да веруваме на мајчинскиот инстинкт, особено бидејќи секоја доенечка врска и приказна е уникатна и посебна. После точно 6 месеци бебе е супер цицач, а мама среќна 🙂
Весна
Мојот пат кон доењето беше неверојатно тежок и исполнет со многу препреки, почнувајќи од бебе со мала родилна тежина и жолтица, силиконски брадавици, плиток фат, рани, болки, и доењето ми изгледаше невозможно, се додека не ја запознав Наташа. Нејзината посветеност, експертиза и постојана поддршка ми дадоа сила, знаење и моќ да стигнам до целта. Денес моето бебе уште успешно цица иако започнавме со 90% адаптирано млеко. Со постојаната и несебична поддршка од Наташа, јас уживам во магијата на доењето, и одговорно тврдам дека друг како нејзе нема! Наташа, ти благодарам за се што направи за мене, и никогаш нема да ја заборавам твојата поддршка во миговите кога ми беше најтешко, а ти беше тука да ми дадеш крила!
Maja
Драга Наташа, имам само пофални зборови за тебе. Во моментите кога ни беше најтешко ни даде поддршка и охрабрувачки зборови дека сме на прав пат. Ти благодарам најмногу, без тебе немаше да успееме. Сега нашата Ана си цица убаво, и напредува како што треба ❤️
Адријана
Толку голема подршка и разбирање не добив ниту од најблиските како од тебе драга Наташа. Еден разговор со тебе беше доволен да соберам самодоверба и одлучност која ми помогна да го дојам и второто бебе без никакви проблеми. Ти благодарам неизмерно за твоето несебично залагање за едуцирање на младите мајки и за промовирање на она што е најприродно, а истовремено најпредизвикувачки за една жена - доењето. Најпрекрасното искуство во мојот живот благодарение на твоите совети и објави на профилот, од кои многу научив. Најважно од сѐ е научив дека не сум сама во борбата за воспоставување и одржување на лактација. Ти благодарам за секој совет, насока, поддршка, разбирање. 🩷
Елена

Пријава за Newsletter

бидете во тек со сите настани и новости!

Ве молам причекајте...

Благодарам! Успешно се пријавивте!