Мојата 1:1 поддршка за вас
Како сертифициран специјалист за доење можам да Ви понудам едукација и поддршка во совладување на најчестите предизвици со кои се среќаваме за време на доењето.
Без разлика дали сакате да осознаете повеќе за доењето уште за време на бременоста, со цел да обезбедите полесен почеток на доењето, или веќе се соочувате со одредени предизвици, како на пример – позиционирање на бебето, болни брадавици, грутки, болки во градите, проблеми со дохранување со адаптирано млеко, несигурност дали бебето цица ефективно, сакате да зголемите лактација, или можеби сакате да намалите лактација;… или пак можеби треба да се вратите на работа а не знаете како да го организирате секојдневието со вашето бебе кое цица, или пак ви претстои почеток во градинка… можеби ви требаат совети за измолзување, складирање на млекото, или пак Ви е потребна поддршка како да престанете со доење…
… за сите овие предизвици сум тука да Ви дадам стручна поддршка – пред самиот почеток на доенечката приказна, па сѐ до нејзиниот крај.
Како изгледа советување 1:1?
Советувањето се одвива на платформата ZOOM во една пријателска, опуштена, искрена атмосфера. Најважно од сѐ – се одвива на едно професионално ниво, каде што од мене ја добивате максималната стручна поддршка и детално објаснување за предизвикот што го имате.
Ретко споделувам лични искуства, но, сакам да знаете дека сите мои лични предизвици се темел на емпатскиот пристап кој го имам во мојата 1:1 работа со вас.
Она што не можам да направам за вас е да поставам медицинска дијагноза, ниту да Ви препорачам лекарства – не можам да преземам одговорност за одлуки кои треба да ги донесе медицинско лице.
Повеќе за обемот на работа на специјалистот за доење можете да прочитате ТУКА.
Закажување термини и плаќање
Чекори за закажување на советување:
1/ Одберете го видот на советување
Подолу се дадени видовите на советување кои се различни по концепт и траење – изберете го советувањето кое највеќе ви одговара.
2/ Изберете термин по желба
Погледнете ги сите слободни термини подолу во календарот и закажете термин кој ви одговара. Со одбирање на терминот автоматски ќе ви стигне линк за состанок на избраниот датум во избраното време. Зачувајте го овој мејл.
3/ Извршете уплата
Уплаќањето за советувањето се одвива преку продавницата, каде што за време на правење на нарачката ги имате следните две можности: уплата со картичка или пак преку директен трансфер во банка. Доколку уплатите со картичка, од мене потоа добивате фактура за извршената уплата, а доколку одберете опција директен трансфер во банка, добивате фактура од мене согласно на која самите потоа ја извршувате уплатата во банка.
За сите советувања имате директен линк кон соодветниот производ во продавницата.
ВИДОВИ СОВЕТУВАЊЕ
Пренаталното советување е советување за време на бременоста кое ве подготвува на тема доење. Тука разговараме за сите најважни чекори кои треба да ги преземеме непосредно пред и веднаш по породувањето со цел да се намали ризикот од пречки и проблеми со доењето.
60 минути online советување
Погодно за семејства кои веќе имаат некаков предизвик / проблем, за кој ни е потребно функционално решение и план на делување. Остануваме во континуирана комуникација 7 денови по советувањето, со цел да утврдиме дали планот функционира или има потреба од негова адаптација. Прочитајте ги следните ВАЖНИ ИНФОРМАЦИИ.
60 минути online советување + 7 дневна поддршка (e-mail)
Со ова 30 минутно „мини“ советување добивате одговори, насоки и идеи како да се справите со вашиот предизвик. Напомена: не заменува советување за доење.
Погодно е и за оние семејства со кои сме имале советување за доење, а е потребен т.н. „контролен“ термин.
30 минути online советување
На овој тип советување разговараме на тема на која имате одредени недоумици и предизвици, на пример: како да се организира секојдневието кога се започнува со немлечна исхрана, што кога мајката треба да се врати на работа, на што да се внимава кога бебето/детето треба да тргне во градинка, како да се престане со доење, и сл.
60 минути online советување
Овој пакет е специјално наменет за трудниците – вклучува пренатално советување + 7 дневна континуирана пишана поддршка од моментот на вашето породување, со цел навремено реагирање на сите можни проблеми и потешкотии кои се вообичаени на самите почетоци.
60 минути online советување + 7 дневна поддршка (e-mail)
Преглед на термини
Искуства на семејства од 1:1 советување
Прекрасна личност. Достапна во било кое време, секогаш со посветеност и трпение одговара и дава совети. Разговорите со неа комплетно ми ги расчистувале недоумиците коишто сум ги имала. Со задоволство ја препорачувам.
…
Толку голема подршка и разбирање не добив ниту од најблиските како од тебе драга Наташа. Еден разговор со тебе беше доволен да соберам самодоверба и одлучност која ми помогна да го дојам и второто бебе без никакви проблеми. Ти благодарам неизмерно за твоето несебично залагање за едуцирање на младите мајки и за промовирање на она што е најприродно, а истовремено најпредизвикувачки за една жена – доењето. Најпрекрасното искуство во мојот живот благодарение на твоите совети и објави на профилот, од кои многу научив. Најважно од се е научив дека не сум сама во борбата за воспоставување и одржување на лактација. Ти благодарам за секој совет, насока, поддршка, разбирање. 🙏🩷🤱💪
Да не беше Нате, не знам ни дали ќе доев воопшто. Нејзините совети ми отворија очи уште додека бев бремена, кога се породив, во текот на првата година од доењето, па еве и наредната, здравје и со второ бебе, можеби и тандем.
If it wasn't the support from Natasha, I am sure that I wouldn't have managed to exclusively breastfeed my 4 month old daughter. She gave me directions with great patience and helped me with my supply. Moreover she is always there if I have doubt or question. As she told me on the first session - if the priority is exclusive breastfeeding, that would be our goal. She has helped me in 3 situations with plugged ducts, giving me courage and support. I am very thankful Natasha, because it was of great importance for me to be able to breastfeed my daughter.
Наташа беше достапна за општи консултации како на тема доење, така и на тема спиење кога се мачевме со регресија на сон во 4ти месец. На Инстаграм профилот исто наоѓам многу корисни работи за новата улога во која првпат се остварувам.
Драга Наташа, имам само пофални зборови за тебе. Во моментите кога ни беше најтешко ни даде поддршка и охрабрувачки зборови дека сме на прав пат. Ти благодарам најмногу, без тебе немаше да успееме. Сега нашата Ана си цица убаво, и напредува како што треба!
Преблагодарна за совет кој ми го даде во врска со мојот проблем🙏
Фала ти најмногу за поддршката! Не само што ми помогна на самата сесија, туку и во еден исклучително критичен момент за мене и моето бебче ми одговори и дополнително кога те контактирав. На целиот стрес и сомнеж што си го создадов сама, ми дојде супер со твојата позитивна енергија!
Natasha helped us with several breastfeeding challenges that we faced: shallow latch, loosing of the vacuum while sucking, tongue tie, managing the forceful letdown, as well as with breastfeeding friendly supplementing methods when mama and baby are separated. I think that the thing that I most appreciate is her constant support and motivation that she is giving us - not to give up, to be very determined in everything that we are doing, not to be scared and to give up when there are challenges, but to rely on our motherly instinct, because every experience, every breastfeeding relationship is unique and different. Now my baby is 6 months old, happily being breastfed, by a happy mama 🙂
За искуството со Наташа можам да кажам само едно големо браво чиста 10ка! Посветена максимално на својата работа, детално објаснување за било каков проблем. Си ја знае работата и советите кој што ги дава се навистина корисни. Имав проблем со доење и да не беше инволвирана (така да се изразам) во нашиот проблем мислам дека ќе се откажев од доење. Големо благодарам навистина осеќам некоја подршка и сигурност како first time mom, што не знаеше ништо во врска со доењето. Комуникацијата со Наташа е одлична, има добар respond на емаил и на инста. Со сите мамички со кој што комуницирам во периодов сегде е пофалена и препорачана. Наташа благодарам што си тука за нас! 🤗
Мојот пат кон доењето беше неверојатно тежок и исполнет со многу препреки, почнувајќи од бебе со мала родилна тежина и жолтица, силиконски брадавици, плиток фат, рани, болки, и доењето ми изгледаше невозможно, сѐ додека не ја запознав Наташа. Нејзината посветеност, експертиза и постојана поддршка ми дадоа сила, знаење и моќ да стигнам до целта. Денес моето бебе успешно цица иако започнавме со 90% адаптирано млеко. Со постојана и несебична поддршка од Наташа, јас уживам во магијата на доењето, и одговорно тврдам дека друг како нејзе нема! Наташа, ти благодарам за сѐ што направи за мене, и никогаш нема да ја заборавам твојата поддршка во миговите кога ми беше најтешко, а ти беше тука да ми дадеш крила!
Дознав за Наташа од форум барајќи искуства за “сецкање” на подврзан јазик. Најизмерно сум благодарна на целата поддршка и советите. Со нејзината помош успеавме (макар и за неколку месеци) да го продолжиме доењето. Исто така продолжив со следење на некои од курсевите и навистина се одлични. Ми се допаѓа што се поделени по теми па секоја бира што навистина сака да чуе. Ти благодарам што постоиш. ❤️
Бескрајно ќе сум благодарна на Наташа што ми се најде во најтешките мигови од моето доенечко искуство. Со нејзина помош и разбирање успеав да продолжам, иако мислев дека не можам да издржам ниту еден ден повеќе. Секогаш ќе сум благодарна што одлучив да стапам во контакт со нејзе, бидејќи комплетно го промени нашето секојдневие. Топла препорака за сите кои се соочуваат со некој проблем! Не се откажувајте – побарајте помош од професионалец – а тоа е Наташа!
Во најкризниот период со доењето, Наташа ми помогна да продолжам со ексклузивно доење на моето скоро 4 месечно бебенце. За мене беше огромна помош и поддршка која не знаев дека ми треба!
Natasha does her job with a lot of love, and because of that, we managed to overcame the fear and stress in our breastfeeding relationship, and fill the spaces with love! I was amazed from the warmth, support and courage that I felt directly after the first contact, even though it was in writing. I am very grateful to Natasha, for her complete attention that she is giving in accordance with the needs of the families, for her detailed answers and research based information that she provides, and that she is always there for us. Your work, even if it is only online is great treasure for all of the current and future parents. I am grateful from the bottom of my heart, for you have given us the health and joy, for me and my baby, and that you have supported me in becoming confident mother!
Супер искуство! На почеток се двоумев, но сега ми е криво зошто порано не исконтактирав. Како особа прекрасна, толку топло и смирувачки делува, за момент си помислив дека немам воопшто никаков проблем :)) професионално и тематски му приоѓа на проблемот и секако советите кои ги дава се стварно логични и доста од помош. Иако е пребукирана, секогаш враќа на прашање или коментар и најмногу што ми се допадна: стварно се интересира за вас 😊Топло препорачувам! ❤️
Вашето искуство од индивидуалната 1:1 работа со мене можете да го споделите ТУКА.