За следење на Модулот потребно е да се најавите (регистрирате).
По извршената уплата на средствата, видеото ќе ви биде достапно за следење во следните 10 дена. Во тоа време, бројот на прегледи на материјалот е неограничен.
Кратка содржина
Кога е навистина крајот? Како да препознаеме дали се работи за доенечка криза, или навистина е дојден крајот? Кој го дефинира крајот, и ако е плански – кој е најдобриот крај за мајката и за бебето? Што доколку морам нагло да се престане со доење, или пак да се направи одредена пауза? Овој модул го разгледува престанокот на доењето од сите аспекти – физиолошки, анатомски, културно – социолошки, ставајќи акцент на физичкото и психичкото здравје на мајката и на бебето/детето.
Мислења за Модул 14:
„Ми се допадна начинот на презентација на темата, јасен, разбирлив и поткрепен со релевантни податоци. Со оглед дека навистина темата предизвикува емоции кај мајките, преку работилница, особено преку начинот на Вашиот пристап, не само што добив важни информации, добив и значајна емотивна поддршка. Воедно, добив и одговор на сето она што го имав како дилема. Пред да ја следам работилницата навистина бев пред една непознаница која ми предизвикуваше страв и стрес, а сега се чуствувам дека сум на прав пат и дека сето она низ кое поминуваме и јас и моето дете е сосема природно. Ова особено имајќи во предвид дека се соочувам со прво доенечко искуство.“
„Сега го изгледав пак од почеток цело предавање - сакав само тој дел што го пропуштив нели, ама ме поведе пак, и сакам да кажам дека е преубаво, преемотивно и целото предавање, и крајот, и сѐ, сите прашања ми се одговорија и разрешија некако во мојата глава, и практичните совети, и сѐ по ред... уште еднаш стварно едно големо браво! И да има што повеќе вакви работилници, теми, дискусии, бидејќи ова е една голема поддршка за сите мајки во секој поглед! Мене ова бебувче ми е 2 :), со ќерка ми имав сосем поинаков и постресен доенечки период - највеќе од околината и секакви совети, коментари и слично кои беа без никаква потреба, и никогаш нема да го заборавам тој период, за разлика од сега - сосема поинаков и многу поубав - преубав период, и баш ми е жал што тогаш пред 9 години не ве знаев... :)“
„Целата содржина беше опфатна, беа понудени многу начини и случаи на одбивање, и ми се допадна напомената дека не е сѐ црно или бело, туку дека има многу нијанси во патот кон одбивањето...“
„Многу ми се допадна содржината, како и начинот на кој беше испрезентирана - лесно и убаво објаснето - богато со примери. Целата работилница беше полна со корисни информации што ако треба да скратам, не знам што би скратила затоа што сѐ беше важно и интересно, во ниеден момент не забележав вишок/непотребна информација. “
„Ми се допадна целата содржина - од почеток до крај, особено понудата за наоѓање на решенија за понежно одбивање од доење “
„Со овој Модул добив поинакво гледање на работите, со што се надевам ќе ми се од голема полза за понатамошното спроведување на одлуките и за начинот на кој ќе го одбијам моето дете...“
Previous
Next