Заедно, подготвени... - Доење со љубов

Заедно, подготвени…

Драги семејства,

големо задоволство ми е да споделам дека во недела, 22/10/2023 година, со почеток во 10:30 часот ќе се одржи онлајн работилница за подготовка за раѓање и доење, наречена „заедно, подготвени“.

Името на работилницата е и за нас симболично, бидејќи и ние, заедно со Николина Ралевски која е акушерка по професија, со многу љубов ја подготвивме оваа работилница, на која вие, заедно со нас, можете да се подготвите за породувањето, доењето, и периодот постпартум, кои претставуваат едни од најемотивните и најинтензивните случувања во нашиот живот.

Работилницата е поделена на три дела, од кои првиот дел е посветен на темата раѓање, вториот е посветен на темата доење, и третиот е посветен за сите ваши прашања и недоумици.

Содржина на работилницата

1/ РАЃАЊЕ

Справете се со сите несигурности и стравови!

Во овој прв дел, ќе се зборува за стравот, паниката, болката… знаците како да препознаеме дека породувањето започнува. Преку четирите фази на породувањето ќе откриете како изгледа целиот тој процес, процесот на раѓање на бебенцето, процесот на раѓање на плацентата, и ќе поразговараме за почетокот на постпартум периодот.

2/ ДОЕЊЕ
Подгответе се и прескокнете ги најчестите препреки!

Во овој дел зборуваме за трите фази на лактација и процесот на инволуција, како функционира лактацијата, која е поврзаноста на породувањето и доењето и производството на млеко, како до поголема количина на млеко која ќе е доволна за нашето бебенце, како да го позиционираме и што да внимаваме при доењето, и секако – како да препознаеме дали доењето успешно функционира!

3/ Q&A СЕСИЈА

… затоа што нашето мото е: „да не остане ниту едно прашање неодговорено!“

Материјали

Со работилницата ќе имате пристап и до материјали за преземање кои ќе ви се од големо значење за породувањето и доењето!

Податоци за работилницата

Датум: 22/10/2023

Време: 10:30 часот

Платформа: ZOOM

Траење: ~ 2 часа

Работилницата е бесплатна!

Пријавување

1. Пријавете го вашето присуство на следниот ЛИНК ЗА ПРИЈАВУВАЊЕ

2. Ден пред работилницата ќе добиете линк за следење на истата!

Attention

Работилницата е бесплатна и се одржува онлајн, но местата се ограничени. Ве молиме пријавете го вашето присуство навремено за да имате загарантирано место.

Доколку имате било какви прашања испратете мејл на: doenjesoljubov@yahoo.com или на mojaakusherka@gmail.com.

За сите присутни следува изненадување!

Се радуваме на претстојната дружба!