Ниеден поглед, ниту коментар или мислење на околината не се поважни, и тоа е буквално и реално точно. Едукацијата за тоа што значи мајчиното млеко, како се менува и прилагодува на потребите на детето, често ми предизвикуваше смеа на коментарите дека “во лето се расипувало млекото” 😂 или “после 1 год станувало вода” 🙄.

Во првите 9 месеци многупати сум се чувствувала дека сум во некој магичен круг што бесконечно се врти на 3 саати и моето постоење е единствено за доење, максимално исцрпувачки, но во ниеден момент не помислив ни да пробам да се откажам. Искрено, се смирив кога ја прифатив ситуацијата како таква, без да мислам дека е фаза од месец-два и ќе помине. Помина кога почна да има 2-3 други оброци.