Азбука на доењето

Драги семејства,

голема радост и задоволство ми е да споделам дека на 6 јуни во 17:30 часот во Public Room, Скопје ќе ја одржам првата обука за доење во живо!

Проектот го спремам веќе некое време, но, овој пат навистина се радувам што можеме да се сретнеме во живо, да поразговараме на темата родителство и доење, и најважното од сѐ – преку оваа обука да се стекнете со едно солидно ниво на едукација од оваа област!

Концепт

Оваа обука е всушност компактна верзија на курсот за доење, која се концентрира на создавањето на млекото, усовршување на независност во управување со доењето, како и совладување на техники од оваа област кои се од голема важност за времетраење на доењето и фазата на лактација.

Содржина

1/ Теоретски дел

Преку овој дел ќе се стекнете со една општа едукација за доењето: како се создава млекото, како да влијаеме на самата лактација – како да зголемиме или намалиме лактација, како да знаеме дали млекото што го имаме е доволно за нашето бебе, што да направиме за што побрзо да имаме доволно млеко, како да знаеме дали е потребно да дохрануваме и како да дохрануваме; потоа: како да преидеме на ексклузивно доење доколку дохрануваме,…

2/ Практичен дел

Во овој дел ќе научиме како да го позиционираме бебето на града, на што да внимаваме, што е асиметричен фат на града, техники за обликување на градите, техники за измолзување: рачна техника, техника и начела за измолзување со пумпа, масажи на градите, менаџирање со доењето преку позициите…

3/ Brainstorming

во оваа сесија следиме неколку реални ситуации кои отсликуваат најчести проблеми и предизвици со кои се соочуваат семејствата на самите почетоци во доењето;

4/ Q&A сесија

на која со задоволство ќе одговорам на сите ваши прашања! 🙂

Материјали

Со оваа обука добивате и печатени материјали со најважните теми од работилницата, табели/протоколи за доење, измолзување, протокол за складирање на измолзено мајчино млеко, и сл. Исто така, за секој од учесниците има и мало изненадување!

Траење и цена

Времетраење на обуката: 2.5 часа

Цена: 2250 денари

Пријавување

1. Кликнете на следниот производ, ставете го во кошница и изберете една од двете опции:

– плаќање со картичка (со што директно ја извршувате уплатата), или

– директен трансфер во банка (добивате изготвена фактура за уплата, па потоа ја уплаќате).

2. Откако ќе ја извршите нарачката, пополнете го овој формулар за пријавување.

Напомена

Настанот е од затворен карактер, а местата се ограничени. Пријавете се навремено за да имате загарантирано место.

Доколку имате било какви прашања испратете мејл на: doenjesoljubov@yahoo.com

Во спротивно, се радувам што ќе се дружиме и со нетрпение ја чекам нашата средба!

Азбука на доењето

Азбука на доењето